-- Advertisements --
Arestado ang isang lalaki dahil sa pagpasok sa bahay ng rapper na si Eminem.
Ang 26-anyos na si Matthew David Hughes ay inaresto ng mga kapulisan matapos na tumawag ng tulong ang rapper dahil sa pagpasok sa bahay nito sa Detroit.
Gumamit ng bato at sinira ang pintuan sa kusina kaya nakapasok ang suspek.
Agad namang tumunog ang alarm ng bahay ng rapper kaya ito ay nagising na tumawag agad ng kapulisan.
Wala namang nawala sa gamit ng rapper at nais lamang ng suspek na makaharap ng personal ito.
Nakakulong na ang suspek sa Macomb County Jail at may piyansa ito ng $50,000.
