CENTRAL MINDANAO – Patay on the spot ang isang lalaki na driver ng motorsiklo nang masagasaan ng motorsiklo sa Kidapawan City.
Nakilala ang biktima na si Felix Barase Ajero Sr. na nakatira sa Barangay Kauswagan Magpet North Cotabato habang sugatan ang kanyang angkas na si Gredgie Zamora na residente ng Brgy Balite sa bayan pa rin ng Magpet.
Ayon kay Kidapawan City Traffic Management unit head Rey Manar, paliko na sana ng Ninoy Aquino road ang dump truck na pagmamay-ari ng city government nang bigla ring lumusot ang naturang motorsiklo.
Hindi ito napansin ng driver ng dumptruck kaya nasagasaan ang biktima.
Dahil sa matinding sugat sa ulo ni Ajero ay agad itong binawian ng buhay.
Nanginginig at sobrang iyak ang anak ng biktima nang lapitan nito ang kanyang ama na naliligo sa kanyang sariling dugo.
Sumuko naman ang driver ng dumptruck sa pulisya, habang patuloy na iniimbestigahan ang kaso.
