BAGUIO CITY – Nasawi ang isang lalaki pagkatapos maaksidente ang sinakyan nitong motorsiko sa Marcos Highway, Baguio City.
Nakilala itong si Mansor Saripada Sanggacala, 28 anyos, may asawa, tubo ng Marawi City at residente ng Crystal Cave, Baguio City.
Ayon kay Police Major Oliver Panabang, pinuno ng Traffic Enforcement Unit ng Baguio City Police Office, pababa ang biktima sa Marcos Highway at patungo sa direksiyon ng Balacbac nang nadulas ang motorsiklo nito kaya’t nawalan ang biktima ng kontrol sa pereno hanggang sa nahulog ito sa drainage.
Sa pagresponde ng mga awtoridad ay naitakbo ang biktima sa Baguio General Hospital and Medical Center ngunit naideklara itong dead on arrival.
Ayon kay Panabang, hindi naman nakainom ng alak ang biktima kaya’t isa ang sitwasyon ng kalsada sa mga tinitingnan dahilan ng naturang aksidente.
