NAGA CITY- Patay na ng matagpuan ang isang lalaki matapos na magbigti sa kanilang kubo sa Brgy. Sta Cruz, Ocampo, Camarines Sur.
Kinilala ang biktima na si Rey Payno, 26-anyos residente ng nasabing lugar.
Sa nakalap na impormasyon ng Bombo Radyo Naga sa Camarines Sur Police Provincial Office, napag alaman na una ng natagpuan ang nasabing biktima na wala ng buhay ng kanyang ina at kapatid.
Sa inisyal na imbestigasyon ng mga otoridad, sa nasabing kubo na natutulog ang biktima upang bantayan ang kanilang mga alagang hayop.
Ngunit nang pumunta umano sa lugar ang kapatid at ina nito upang maghatid ng pagkain ay nagtaka ang mga ito dahil nasa kulungan parin ang kanilang mga alagang hayop.
Agad naman nila itong hinanap ngunit natagpuan nalamang ang biktima naka bitay na sa loob ng kubo gamit ang isang nylon rope.
Samantala, hindi na pumayag ang pamilya ng biktima na isailalim ito sa mortem examination dahil naniniwala umano ang mga ito na suicide ang dahilan ng nasabing insidente.
