Lalaking nagbigti parating sinasambit ang pangalan ng dating nobya sa tuwing malalasing
ROXAS CITY – Patay ang 25 anyos na lalaki matapos nagbigti sa loob ng pinapagawang bahay sa Barangay Casanayan, Pilar, Capiz.
Natagpuan na lamang na nakabigti ang biktima ng kanyang live-in partner na kaagad humingi ng tulong sa kanilang mga kamang-anak para maibaba ang si alyas Noy.
Bago ang insedente ay nag-inuman pa ang biktima at ama nito.
Hinanap pa ng live-in partner si alyas Noy para sabay silang maghapunan, ngunit nagtaka ito ng hindi sumasagot sa kanya ang biktima.
Ikinagulat na lamang nito ng makita ang nakabitay na live-in partner sa ipinagawang bahay.
Ayon kay alyas Inday, live-in partner ng biktima na sa tuwing malalasing si Alyas Noy ay hindi maiwasan na ma-mention niya ang pangalan ng dating nobya.
