-- Advertisements --
ROXAS CITY – Patay ang isang tricycle driver sa nangyaring aksidente sa daan sa Barangay Atiplo, Mambusao, Capiz.
Kinilala ang biktima na si Ananias Madamba Bacalangco Jr., 51, residente ng Sunshine, Poblacion Norte, Sigma, Capiz.
Base sa inisyal na imbestigasyon ng Sigma Municipal Police Station, habang tinatahak ng biktima ang naturang lugar sakay sa kaniyang tricycle ay nahagip ito ng Ceres bus na minamaneho ni Rosario Cahayag, 58, kasunod nang paglagpas sa linya ng minamaneho nitong sasakyan.
Kaagad na dinala sa ospital ang biktima upang malapatan ng kaukulang lunas ngunit kalauna’y binawian din ito ng buhay.
