-- Advertisements --
BAGUIO CITY – Nasawi ang isang driver matapos mahulog ang minaneho nitong elf truck sa Balacbac Road, Baguio City.
Nakilala ang biktima na si Laurence Centino, 24-anyos mula sa La Union.
Batay sa report, nahulog ang trak sa kanal mula sa tulay.
May kargang tiles ang trak at batay sa report, mayroong kasamang dalawang pahenante ang driver ngunit pinatalon niya ang mga ito bago nahulog ang trak.
Sa pagresponde ng mga kinauukulan ay pinagsikapan nilang tulungan ang naipit na driver pero naideklara itong patay na.
