CENTRAL MINDANAO-Patay ang isang lalaki sa pamamaril dakong alas 7:00 nitong gabi ng Lunes sa lalawigan ng Maguindanao Del Sur.
Nakilala ang biktima na si Alingadi Macabanding, 42 anyos,may asawa at residente ng Barangay Rumidas Buldon Maguindanao Del Norte.
Ayon kay Parang Chief of Police Major Christopher Cabugwang na habang binabaybay ng biktima ang Narciso Ramos Highway, Purok Narra Barangay Making Parang Maguindanao del Norte sakay ng motorsiklo ay bigla itong pinagbabaril ng mga hindi kilalang suspek gamit ang kalibre.45 na pistola.
Mabilis namang tumakas ang mga salarin na sakay rin umano ng motorsiklo.
Patay on the spot ang biktima nang tamaan sa kanyang ulo at likod.
Sa ngayon ay nagpapatuloy ang imbestigasyon ng Parang MPS sa pamamaril patay sa biktima.
