-- Advertisements --
BAGUIO CITY – Nasawi ang isang lalaki matapos itong pagbabarilin sa Zone 1, Bangued Abra.
Nakilala ito na si Teddy Laureta Bayugo, 55-anyos at residente ng La Paz, Abra habang hindi pa nakikilala ang suspek.
Batay sa report, habang hinihintay ng biktima ang asawa nito na bumibili sa isang tindahan ay bigla na lamang itong pinagbabaril ng suspek.
Nagtamo ang biktima ng mga tama ng baril sa iba’t-ibang bahagi ng katawan nito partikular sa balikat, tiyan at hita.
Agad na naisugod sa Abra Provincial Hospital ang biktima ngunit naideklara itong patay na habang nilalapatan ng lunas.
