ROXAS CITY – Patay ang isang lalaki matapos saksakin ng kanyang nakababatang kapatid na lalaki sa Brgy. Agsirab, Dumarao, Capiz.
Kinilala ang biktima kay Arviy Palmes,19 taong gulang, samantalang ang suspek ay 16 taong gulang na residente ng nasabing lugar.
Ayon sa paunang imbestigasyon ng Dumarao MPS,magkasama ang dalawa habang nag-iinuman nang mangyari ang hindi pagkakaunawaan sa pagitan ng magkapatid.
Di-umano’y biglang kumuha ng patalim ang menor de edad at sinaksak ang biktima sa dibdib.
Matapos ang pananaksak, agad namang dinala ang biktima sa Dao District Hospital subalit idineklara itong dead on arrival ng doktor.
Sinasabing agad tumakas ang suspek at hanggang ngayon ay pinaghahanap parin ng mga otoridad.
Lumalabas na posibleng kalasingan ang dahilan ng krimen.
Sa ngayon, patuloy parin ang imbestigasyon ng mga kapulisan sa insidente.
