Nakuha ng isang lalaki sa Britanya ang world record na may pinakamaraming nabisitang museum sa loob lamang ng 12 oras.
Ayon sa Guinnness World Record, nalibot ng 42-anyos na si Ben Melham sa loob ng 24 oras ang 42 museums.
Sinimulan nito ang paglibot sa Museum of the Royal Pharmaceutical Society sa East London at nagtapos sa Royal Academy of Arts sa Central London.
Sa pagitan ng nasabing mga museum ay dinaanan niya ang 40 ibang mga museum mula sa kilalang Natural History Museum, Tower of London at British Museum hanggang sa pinakamaliit na museum sa Sir John Soane’s Museum.
Nagtatrabaho siya bilang operations consultant sa museum sector.
Tinalo nito ang may hawak na record dati na si Sujoy Kumar Mitra at Swaroop Dawrani kapwa mula sa India na nabisita ang 33 museum sa loob ng isang araw noong 2024.
Target nagayon ni Melham na makuha ang record na may pinakamaraming museum na mabibisita sa loob ng isang taon.
