-- Advertisements --
ILOILO CITY – Patay ang driver ng motorsiklo matapos na masagasaan at magulungan ng 6-wheeler truck sa Barangay Amamaros, Pototan, Iloilo.
Ang biktima ay si Arnold Bartolo, 37, residente ng Cabalabaguan, Mina, Iloilo samantala ang driver naman ng 6-wheeler truck ay si Eliseo Heran Jr., 29 at residente ng Punong Grande, San Enrique, Iloilo.
Sa panayam ng Bombo Radyo kay PSSGT. Raffy Gonzales, sinabi nito na unang nahagip ng isang motorsiklo ang sinasakyan ng biktima dahilan na natumba ito at tumilapon sa gitna ng kalsada dahilan kung kayat nasagasaan ito ng nakasunod na truck.
Sa ngayon ay hindi pa nakikilala ang driver ng motorsiklo na nakahagip sa biktima dahil hindi ito tumigil kasunod ng insidente at wala ring CCTV sa lugar.
