Lalaki, nahiwa ang kanyang ulo matapos makipag-away sa Benguet
BAGUIO CITY-Nahiwa ang likurang bahagi ng ulo ng isang lalaki sa Kilometer 6, Betag, La Trinidad, Benguet.
Nakilala ang biktima na si Prandy Gonzales Abilao, 34-anyos, may asawa, tubo ng Kapangan, Benguet at residente ng Betag, La Trinidad, Benguet.
Batay sa report, nangyari ang insidente matapos mag-away ang biktima at ang kasama nito sa harapan ng paradahan sa isang kainan sa Betag, La Trinidad, Benguet.
Ayon sa mga testigo, nakita nila ang nagsasagutan ang biktima at ang kasama nito.
Pagkatapos ay naglabas ang biktima ng kutsilyo at sasaksakin na sana nito ang kasama niya ngunit inagaw ng kasama niya ang kutsilyo.
Nagresulta ito sa pagkakahiwa sa ulo ng biktima.
Agad tumakas ang suspek habang dinala naman sa pagamutan ang biktima.
