NAGA CITY- Sugatan ang isang lalaki matapos pagsasaksakin ng pitong kalalakihan sa Brgy. Poblacion, Libmanan, Camarines Sur.
Kinilala ang biktima na si Divino Penn Pebida Aco, 23-anyos.
Sa panayam ng Bombo Radyo Naga kay PStaff Sgt Emy Rose Organis, tagapagsalita ng PNP-Libmanan, sinabi nitong nag-ugat ang komosyon sa umano’y pag- dirty finger sign ng grupo ng kalalakihan kay Aco na naging dahilan para komprontahin ito ng biktima.
Doon na umano nagsimula na magkagulo kung saan pinagtulong-tulungan ng pitong kalalakihan si Aco.
Nagtamo ng sugat sa iba’t ibang bahagi ng katawan ang biktima mula sa pananaksak ng naturang mga suspek.
Samantala, agad namang naaresto ang dalawa sa pitong suspek habang hinahanap na rin ng mga otoridad ang limang iba pa.
