Lalaki, wala ng buhay ng matagpuan sa sarili nitong kwarto sa Barangay Cagay, Roxas City

ROXAS CITY – Wala ng buhay ang 45-anyos na lalaki ng matagpuan ito sa loob ng kanyang kwarto sa Sitio Bangbang, Barangay Cagay, Roxas City.

Kinilala ang biktima kay alyas “Bert” at residente ng nasabing lugar.

Sa nakuhang impormasyon ng Bombo Radyo sa lugar, natagpuan na lamang ito ng kanyang live-in partner na nakahiga at wala ng buhay.

Napag-alaman rin na lasing ang nasabing biktima ng mga oras na iyun.

Dahil dito, naniniwala ang pamilya na cardiac arrest ang dahilan at walang foul play na nangyari sa insidente.

Sa ngayon, nasa punerarya na ang bangkay ng nasabing biktima.