-- Advertisements --
CEBU CITY – Arestado sa isinagawang raid ng mga tauhan ng Provincial Intelligence Branch ng Cebu City Police Office ang dating OFW kaninang umaga sa Brgy. Lawaan, Talisay City sa Cebu matapos itong makuhanan ng shabu na aabot sa P171,000.
Kinilala ang 43-anyos na naaresto na si Allan Sigue Toreon at naninirahan sa nasabing lugar.
Kasama umano ito sa kilalang gun for hire sa lugar na si Richie Daan.
Napatay si Daan matapos nakipaglaban sa mga operatiba noong taong 2016 sa Talisay fish port.
Ang nadakip naman ay pinsan ni Girlie Sigue na natagpuang itinali sa poste sa Brgy. Campo 4 ng nasabing lungsod.
