Lalaking galing sa sabungan, binaril sa Bayugan City

BUTUAN CITY – Patuloy ngayon ang ginawang imbestigasyon sa pulisya upang matukoy at mahuli ang suspetsado sa pamamaril kaninang hapon lamang sa sabungan sa may Barangay Poblacion Curbada, Bayugan City.

Nakilala ang biktima na si Noel Langanlangan Labitad jr, 35-anyos na residente sa Purok-2, Ampayon, Butuan City.

Sa inisyal na impormasyong nakuha ng Bombo Radyo Butuan, galing umano sa sabungan ang biktima at sa paglabas nito ay bigla na lamang binaril sa hindi pa matukoy na suspek.

Nagtamo ng tama sa pisngi ang biktima na daling dinala sa ospital habang ang suspek naman ay patuloy pang pinaghahanap ng pulisya.