CAUAYAN CITY- Inaresto ng mga kasapi ng Cauayan City Police Station ang isa sa kanilang nasa Directorate for Intelligence list at isa pang newly identified drug personality sa isinagawang drug buy bust operation sa Alicaocao, Cauayan City.
Ang inaresto ay si Arthur Valino alyas “kobie”, 23 anyos, binata, construction worker at Jerson Elmido, newly identified drug personality, 23 anyos at kapwa residente ng nabanggit na lugar.
Nakatanggap ng impormasyon ang mga kasapi ng pulisya sa isinasagawang drug transaction ng 2 suspek at nakabili ang poseur buyer ng mga pinatuyong dahon ng marijuana.
Nasamsam di sa mga suspek ang ginamit na drug buy bust money, dalawang cellphone at isang motorsiklong ginagamit sa transaksiyon.
Ang mga suspek at mga nasamsam sa kanila ay dinala sa himpilan ng pulisya at inihahanda na ang kasong paglabag sa Republic Act 9165 (Comprehensive Dangerous Drusg Act of 2002) laban sa dalawa.
