CENTRAL MINDANAO – Nasakote ng mga otoridad ang isang gun runner sa lalawigan ng Maguindanao.
Nakilalala ang suspek na si Nasrollah Kando Rajabuayan na residente ng Barangay Poblacion, Datu Paglas, Maguindanao.
Magkasamang naglunsad ng entrapment operation ang mga tauhan ng PRO-BAR Regional Special Operations Group katuwang ang Maguindanao PNP at nahuli ang suspek sa public market sa bayan ng Datu Paglas.
Nakuha sa suspek ang tatlong matataas na uri ng armas na kinabibilangan ng isang M16 armalite rifle, caliber 5.56 bushmaster rifle, 5.56 Colt rifle, mga bala, mga magasin, cellphone at Toyota Vios.
Sa ngayon ay nakapiit na ang suspek sa custudial facility ng Datu Paglas PNP at nakatakdang sampahan ng kasong paglabag sa Comprehensive Dangerous Firearms and Ammunition Regulations Act (RA 10591).
