COTABATO CITY — Nahuli ng mga kapulisan ng bayang Pikit ang suspek na si alyas Mando, nasa hustong gulang at residente ng Brgy. Lower Mingading sa bayan ng Aleosan dahil sa dala nitong baril.
Sa ulat ng pulisya, bandang alas onse ng umaga kahapon ng Lunes ng nagsagawa ng checkpoint operations ang hanay ng kapulisan sa may Barangay Takepan at ng kanilang parahin ang minamanehong motorsiklo ni alyas Mando dahil sa walang plakang nakakabit, bigla nitong hinarurot ang motor palayo sa checkpoint.
Matapos mahabol, matagumpay namang nadakip ng pulisya ang suspek at ng isailalim ito sa body searching dito na tumambad ang kalibre 45 na pistola, magasin at anim na bala.
Nasa kustodiya na ng Pikit PNP ang suspetsado at nahaharap sa kasong may kaugnayan sa Comprehensive fire arms and Ammunition Regulations Act o RA 10591.
