-- Advertisements --
Agaw pansin si Los Angeles Lakers star LeBron James sa personal na panonood ng laban sa pagitan ng Boston Celtics at Cleveland Cavaliers.
Marami ang napa-isip nang makita si James, dahil dati nitong kuponan ang Cavs, kung saan dinala niya ito sa NBA championship noong 2016.
Inaasahan ding magtatapos na ang kontrata nito sa Lakers at magiging free agent na siya sa summer.
Sinasabing maraming ulit nang namataan si James sa Cleveland ngunit ngayon lamang nanood ng laro ng dati niyang team.
Samantala, sa naturang labang pinanood ni LeBron, nakuha ng Celtics ang panalo sa score na 109-102.
Kaya naman 3-1 na ang serye at abanse ang Celtics para sa second round ng playoffs para sa eastern conference.
