Mistulang nagpahiwatig si NBA superstar LeBron James sa kung ano na ang gagamitin nito bilang kanyang bagong jersey number.
Una rito, “iniregalo” na ni James sa kanyang bagong teammate na si Anthony Davis ang jersey No. 23 na ginamit nito sa halos kabuuan ng kanyang 16-taong NBA career.
Sa kanyang social media posts, tila nagbigay ng clue ang three-time NBA Finals MVP na babalik ito sa paggamit sa kanyang No. 6 jersey.
Sinabi rin ng ilang mga sources, ito na raw ang numerong gagamitin ni James, na kanya ring sinuot sa apat na taon nitong pananatili sa Miami Heat, at sa paglalaro rin nito sa USA Basketball.
Sinuot ni James ang No. 23 sa loob ng 12 taon, saklaw ang kanyang pamamalagi sa Cleveland Cavaliers at sa unang season nito sa Lakers.
Dalawa sa tatlong NBA championships ni James ay nangyari habang gamit nito ang No. 6, maging sa kanyang dalawang two Olympic gold medals.
