-- Advertisements --
Nagtala ng panibagong record sa NBA si Los Angeles Lakers star LeBron James.
Ito ay matapos na malagpasan na niya ang matagal na record ni NBA legend Kareem Abdul-Jabbar na may pinakamaraming minutong nilaro sa regular season.
Sa panalo ng Lakers kontra Sacramento Kings ay naitala ni James ang kaniyang 57,447 th minuto na paglalaro.
Nakuha ni Abdul-Jabbar ang record noong 1989 na mayroong 57,446 minuto.
Sinabi ni James na talagang mula pa noon ay hilig na niya ang paglalaro ng basketball at kahit na off-season ay talagang pinipilit niyang makapaglaro.
Sa buong career ng James ay mayroon na itong mahigit 1,500 na laro.
