-- Advertisements --
Pinalawig pa ng Los Angeles Lakers ang paglalaro ng kanilang superstar na si LeBron James.
Ito ay matapos ang pagpirma ng NBA star ng two-year contract extension na nagkakahalaga ng $85 million.
Nangangahulugan ito na tatagal pa sa koponan si James ng hanggang 2022-23 season na magbibigay sa kaniya ng paglalaro ng 20 seasons sa NBA.
Magugunitang tinanghal bilang Most Valuable Player si James sa 2020 NBA Finals matapos talunin ng Lakers ang Miami Heat.
Mayroong 25.3 points average ito noong nakaraang season.
