Ipinagtanggol ni Los Angeles Lakers head coach Frank Vogel si LeBron James kaugnay sa pasya nitong ipasa na lamang ang bola imbis na i-shoot sa nalalabing segundo ng masaklap na pagkatalo nila sa Miami Heat sa Game 5 ng NBA Finals.
Ilan kasing mga dati at kasalukuyang NBA players ang naniniwala na dapat ay itinira na lamang ni LeBron ang bola, imbes na ipasa kay Danny Green na nagmintis ang pinakawalang 3-point shot.
Bagama’t na-rebound pa ni Markieff Morris, na-out of bounds ang bola nang tinangka niya itong ipasa kay Anthony Davis.
Pero depensa ni Vogel, tama lang daw ang ginawa ni LeBron lalo pa’t tatlong mga Miami players ang bumabantay sa kanya.
“He was ready to take on the whole team,” wika ni Vogel. “He had two guys on him. A third defender came and so with three guys on you, he made the right play. Danny is one of our best shooters, he had a great look, and we live with the results.”
Sa panig naman ni James, naniniwala itong mas maigi nang ipasa kaysa ipilit na itira ang bola, at hindi rin daw mababago ng pagsala ng 3-pointer ni Green ang sitwasyon.
“I mean, if you just look at the play, I was able to draw two defenders below the free throw line and find one of our shooters at the top of the key for a wide-open 3 to win a championship,” ani James. “I trusted him, we trusted him, and it just didn’t go. You live with that.”
“Danny had a hell of a look, it just didn’t go down. I know he wishes he could have it again. I wish I could make a better pass. But you just live with it.”
Inihayag pa ni LeBron na kailangan nilang galingan pa sa Game 6 para tuluyan nang isara ang serye.
“We’ve just got to be better in Game 6 and close the series,” pangako ni James.
