-- Advertisements --
Nakumpleto na ang legal team ni dating Pangulong Rodrigo Duterte para sa pagdinig ng International Criminal Court.
Sinabi ng abogado ng dating pangulo na si Nicholas Kaufman, na maaring sa araw ng Lunes maisasapubliko ang mga pangalan ng legal team.
Dagdag pa ng British-Israeli lawyer na hindi kasama sa listahan si dating presidential spokesperson Harry Roque.
Paliwanag niya na humihingi kasi si Roque ng political asylum sa the Netherlands kaya hindi ito maaring makadalo sa mga pagdinig sa korte.
Una ng sinabi ni Vice President Sara Duterte na may hinihintay pa itong dokumento bago makabalik sa Pilipinas kung saan umaasa siya na makumpleto ang legal team ng ama bago ito makaalis sa the Netherlands.
