LGU-Midsayap Cotabato Regional Winner ng 2023 Panata ko sa bayan award mula sa DSWD-12

CENTRAL MINDANAO-Tinanggap ni Midsayap Cotabato Mayor Rolly “Ur Da Man” Sacdalan ang parangal mula sa DSWD Field Office 12 bilang regional winner ng 2023 PaNata ko sa Bayan.

Ginanap ang awarding sa The Farm, Carpenter Hill, Koronadal City, bilang bahagi ng selebrasyon ng 72nd Anniversary ng DSWD XII.

Mismong si DSWD-12 Regional Director Loreto Cabaya Jr ang nag-abot ng parangal kay Mayor Rolly Sacdalan.

Ginawaran ang LGU Midsayap ng “Gawad Paglilingkod sa Sambayanan (GAPAS)Award (Model LGU Implementing Pantawid Pamilyang Pilipino Program).”

Pinasalamatan naman ni Midsayap Municipal Social Welfare and Development Officer – John Karlo Ballentes ang buong pwersa ng LGU Midsayap at mga stakeholders nito.