-- Advertisements --
CENTRAL MINDANAO-Tumanggap ng tig limang kilo ng bigas ang mga residente ng Brgy. Bannawag at Brgy. Cuyapon Kabacan Cotabato.
Pinangunahan ng MDRRM at MSWD Kabacan ang pamamahagi sa 140 residente ng Bannawag at 204 na residente ng Cuyapon.
Ang distribusyon ng tulong ay kaugnay sa naranasang pagbaha nitong mga nagdaang araw.
Ayon kay MDRRMO David Don Saure, malaki ang pasasalamat nito sa mga BDRRM sa agaran at mabilis na pagbibigay ng report. Aniya, malaki ang naitulong ng mga seminars na naisagawa simula noong panahon ng Unlad Kabacan Program.
Samantala muling nagpaalala si Kabacan Mayor Herlo Guzman Jr at ABC President Evangeline Pascua Guzman sa mga residente sa gilid ng ilog at bundok na mag-ingat sa pagragasa ng baha at pagguho ng lupa.
