CENTRAL MINDANAO – Todo suporta ang lokal na pamahalaan ng Kabacan, Cotabato sa USM-Philippine Carabao Center (PCC).
Ayon kay Kabacan Mayor Herlo Guzman Jr isa ang PCC sa mga panghatak ng turismo ng bayan.
Dagdag pa ng alkalde, ang PCC on wheels ay magdi-display tuwing Miyerkules sa Municipal Compound.
Tampok dito ang buffalo milk on wheels na gatas ng kalabaw na araw-araw sa pakikipagtulungan ng programa ng Department of Agriculture 12 ng Kadiwa ni Ani at Kita.
Masustansya ang gatas ng kalabaw kaya mungkahi ng USM-PCC suportahan buffalo milk on wheels.
Ang USM-Philippine Carabao Center ay nagbebenta rin ng choco milk, pasteurized milk, yogurt drink, pastillas at iba pa.
Samantala, hindi masukat ang pasasalamat ni PCC general manager Dr. Benjamin Basilio sa alkalde at sa LGU sa naturang suporta.
