Inilunsad kahapon June 9, 2024 sa Planet Square Mall, Hung Hom sa Kowloon Side, Hong Kong ng Bagong Bayani Hong Kong Executive and Lady Eagles Club ng The Fraternal Order of Eagles-Philippine Eagles Incorporated ang FREE BLOOD SUGAR AT BLOOD PRESSURE TEST. Layunin ng mga membro ng Agila na makatulong sa ating mga kababayang OFW dahil ang pag monitor ng Blood Pressure at Sugar level ay napaka importanteng bagay para sa isang kasam-bahay.
Ayon kay Club President Marlon Pantat De Guzman at Abbel B. Macabecha ng Bagong Bayani Eagles Club ay gagawin nila ito kada linggo At ililipat sa ibat ibang lugar sa Hong Kong kung saan nagkakatipon tipon ang ating mga kababayan na siyang holiday ng mga OFW. Ayon padin sa kanila na ang pondo o pera na ginagastos dito ay galing sa lahat ng membro ng Bagong Bayani Eagles Club at hindi kailanman sila nagso-solicit sa mga ganitong paggawa ng mabuti sa ating mga kababayan.
Ang pera na kanilang ginagastos ay galing sa kanilang monthly dues contributions na inilalaan sa mga community services ng Philippine Eagles. Bukod pa sa mga ganitong community service ay nagsasagawa din ang Bagong Bayani Eagles Club ng mga iba pang community service gaya ng pagtulong sa mga kababayan nating OFW na mga cancer patient victims o kasalukuyang mino-monitor sa mga Hospitals ng Hong Kong dahil sa nasabing karamdaman. Nagkakaroon din sila ng mga benificiaries sa mga distress nating mga kababayan na nasa pangangalaga ng Mission for Migrant Workers o Refugee Camp.
Meron din silang mga Medical Mission at Feeding Program na ginagawa sa Pilipinas kahit sila ay nasa Hong Kong. Ang Philippine Eagles ay naitatag sa Pilipinas noong 1979 at lumawak na ito sa buong mundo gaya sa Hong Kong.
