CEBU – Nababahala ang mga opisyal ng Local Health sa mga taong lumahok sa isang libreng konsiyerto sa Cebu noong nakaraang Sabado.
Ipinaliwanag ni Dr. Mary Jean Loreche, chief pathologist ng Department of Health of Central Visayas (DOH-7), na nakakabahala ang “Arat na Cebu” concert.
Sinabi ni Loreche na nakakabahala ito dahil ang kaganapan ay dinaluhan ng halos 100,000 mga indibidwal, at maaaring maging isang superspreader event, lalo na’t hindi maayos na naisuot ng mga tao ang kanilang face mask.
Hinimok ng opisyal ng DOH-7 ang publiko na maging responsable sa paglabas, lalo na sa pagdalo sa mga aktibidad ng pagtitipon tulad ng mga konsyerto.
Bilang karagdagan, oras na para sa lahat na managot sa bawat aksyon na gagawin.
Ang “Arat na Cebu” ang kauna-unahang concert na ginanap sa Cebu City dalawang taon pagkatapos sumolbong ang COVID — kaya naman napilitan ang gobyerno na pansamantalang ipagbawal ang mga pagtitipon.
Matatandaan na ibinaba ang Alert Level status ng Cebu City sa Alert Level 1 mula noong Marso 15, kung saan pinapayagan ang mga konsyerto at iba pang aktibidad na pagtitipon.-BJR
