Kasabay ng panibagong yugto ng pagtaas ng presyo ng langis ngayong linggo, tinutulan ni Senate President Juan Miguel Zubiri ang mga mungkahi ng ilang mambabatas na buhayin ang Oil Price Stabilization Fund (OPSF), at iginiit na lalo lamang nitong pagyayamanin ang mga kumpanya ng langis.
Sinabi ni Zubiri, na sa halip na gumastos ng bilyon para sa oil price subsidy, dapat nilang dagdagan o palawakin ang voucher system, na nagpapalawak ng subsidy sa sektor ng pampublikong sasakyan.
Isinusulong ng ilang mambabatas ang muling pagbuhay sa OPSF, na itinatag ng administrasyon ng yumaong dating pangulong Ferdinand Marcos Sr. noong 1984, upang sugpuin ang epekto ng pagtaas ng presyo ng langis.
Nanindigan si Zubiri na mali ang pagbibigay ng P20 bilyon sa mga kumpanya ng langis para lamang mapababa ang presyo ng petrolyo.
Dahil tumaas ang presyo ng petrolyo sa nakalipas na anim na magkakasunod na linggo, inaasahan ang panibagong pagtaas sa susunod na linggo, na mahigit P1 kada litro para sa gasolina, diesel at kerosene.
Isinusulong din ng Pangulo ng Senado ang paggamit ng mga de-kuryenteng sasakyan, na gumagamit ng mga baterya upang gumana ito.
