Nakalapit pa sa No. 8 spot sa Western Conference ang Portland Trail Blazers makaraang itumba nila ang Denver Nuggets, 125-115.
Bumida nang husto sa Blazers si Damian Lillard na naduplika ang kanyang franchise record na 11 3-pointers at umiskor ng 45 big points, na sinamahan ng 12 assists.
Umasiste rin sa Portland sina Gary Trent Jr. na kumamada ng 27 at Jusuf Nurkic na umiskor ng 22.
Sumandal naman si Michael Porter Jr. na tumabo ng 27 points at 12 rebounds para sa Denver, na nananatiling nakakapit sa No. 2 spot sa West.
Isinabak ng Nuggets ang kanilang mga reserves sa huling quarter, kaya nalimitahan din sa 24 minuto si Nikola Jokic.
Nagtapos si Jokic sa walong puntos, limang rebounds at 13 assists.
Sa araw ng Linggo, haharapin ng Trail Blazers ang Los Angeles Clippers, habang ang Utah Jazz naman ang sunod na hahamunin ng Nuggets.
