Overseas voting turnout, umabot na sa 27.84% habang sa
loops: overseas and local absentee voting, Comelec
Nakapagtala na ang Commission on Elections (Comelec) ng 75% voter turnout para sa local absentee voting (LAV) at nasa 31% na ang para sa overseas voting turnout batay sa updated data.
Base sa data mula kay Comelec Commissioner George Garcia, nakatanggap na ang poll body ng 60,000 balota mula sa local absentee voters o katumbas ito ng 75% ng 84,357 registered local absentee voters.
Nakapagsumite na ng nasa 20,219 balota mula sa Philippine Army, 2,756 mula sa Philippine Air Force, 293 mula sa Philippine Navy, 19 balota mula sa Philippine Marines at 32,332 galing naman sa Philippine National Police.
Bukod dito, mayroon na ring 1,653 accomplished local absentee voting ballots ang natanggap ng poll body mula sa Department of Education, 750 mula nama sa Bureau of Jail Management and Penology, 76 ballots naisumite mula sa Bureau of Fire Protection, 868 accomplished ballots mula sa media personnel, 805 mula sa Comelec employees at 17 balota mula sa Department of the Interior and Local Government.
Umabot na rin sa 199 ang accomplished LAV ballots mula sa Philippine Coast Guard, isa pa lamang mula sa Department of Foreign Affairs at Culion Hospital, 2 balota mula sa Public Attorney’s Office at 9 mula sa National Power Corp.
Samantala, base sa data nitong tanghali ngayong linggo, Mayo 8, ibinahagi ni Commissioner George Garcia, umaabot na sa kabuuang 526,972 o 31.05% ng 1,697,215 registered voters ang nakaboto na.
Sa naturang bilang, ayon sa Comelec nasa 202,109 botante mula sa Middle East at Africa, 178,656 mula sa Asia-Pacific, 94,395 mula sa North and South America; at 51,792 sa Europe.
Ani Garcia ang overseas turnout noong 2016 national and local elections umabot ito sa 32%.
Inaasahan na mas mataas ang turnout ng overseas absentee votes ngayong taon kung saan nasa 580,212 overseas voters ang inaasahang makikilaho sa halalan.
