VIGAN CITY – Dead on arrival ang isang matandang lalaki matapos mabundol ng lasing na driver sa Brgy. Lungog, Narvacan.
Sa report na nakalap ng Bombo Radyo Vigan mula sa Narvacan Municipal Police Station, naglalakad umano sa gilid ng kalsada ang biktimang nakilalang si Romulo Doria Sagun, 63-anyos.
Nabangga ito ng motorsiklong minamaneho ni Rowel Noveloso Cadiz, 28-anyos habang binabagtas ang timog na direksyon.
Nagtamo ng sugat sa iba’t ibang bahagi ng katawan at bali sa paa si Sagun na naisugod sa Metro Vigan Cooperative Hospital ngunit idineklarang dead on arrival.
Depensa ng driver, hindi umano nito napansin ang naglalakad na matanda sa gilid ng kalsada kaya nabundol niya ito.
Sa ngayon nagpapagaling ang driver sa Ilocos District Hospital Narvacan at inihahanda na ng PNP ang kasong kakaharapin nito.
