-- Advertisements --
CENTRAL MINDANAO-Patay on the spot ang isang Senior Citizen sa pamamaril sa probinsya ng Cotabato.
Nakilala ang biktima na si Jame Dumlao Bebillo,62 anyos,may asawa,magsasaka at residente ng Purok 4, New Esperanza, Mlang, Cotabato.
Ayon sa ulat ng Mlang PNP na habang nakatayo lamang sa harap ng kanilang bahay ang biktima ay nilapitan siya ng mga hindi kilalang suspek at pinagbabaril gamit ang kalibre.45 na pistola.
Mabilis namang tumakas ang mga suspek na sakay ng motorsiklo at agad binawian ng buhay si Lolo nang tamaan sa ulo at dibdib.
Bago umano binaril ang biktima ay nag-usap pa sila ng mga suspek na humantong sa pamamaril.
Sa ngayon ay nagpapatuloy pa ang imbestigasyon ng M’lang PNP sa pamamaslang sa magsasaka.
