Looc, Occidental Mindoro niyanig ng 5.2 quake; ilang lugar sa NCR naramdaman din

Niyanig ng magnitude 5.2 na lindol ang bayan ng Looc sa Occidental Mindoro.

Ayon sa Philippine Institute of Volcanology and Seismology (Phivolcs), naramdaman ito dakong alas-4:06 ng madaling araw ng Sabado, Oktubre 17, 2020.

May lalim ito na 12 kilometers at tectonic in origin.

Naramdaman naman ang intensity IV sa Calatagan Batangas, Tagaytay City at Cavite.

Intensity 3 naman sa bahagi ng Carmona sa Cavite; Marilao, Bulacan at Talisay sa Batangas.

Intensity 2 naman ang naramdaman sa Plaridel, Malolos City, Calumpit at San Rafael, Bulacan; Puerto Galera, Oriental Mindoro; Bacoor City; Marikina City; Muntinlupa City; Las Pinas City at Quezon City.

Inaasahan na rin ang serye ng mga aftershocks.