Inihayag ng Land Transportation Franchising and Regulatory Board na kailangang bawasan ang bilang ng mga public utility vehicles (PUVs) na dumadaan sa Metro Manila.
Paliwanag ni LTFRB Chair Teofilo Guadiz III, base sa mga pag-aaral na isinagawa ng LTFRB, nakikita nila ang “excess” sa bilang ng mga PUV.
Aniya, kailangang i-trim down ang mga ito, kailangang i-recalibrate ang mga ito sa mga ruta na mas kaunti lamang.
Ipinaliwanag niya na sinusubaybayan ng ahensya ang mga pagkakataon ng “duplication” kung saan ang ilang jeepney units ay nagsisilbi sa mga ruta na sineserbisyuhan din ng ibang jeepney units na dumadaan sa magkadugtong o mas mahabang ruta.
May mga lugar kasi aniya sa Metro Manila na may duplication.
Sa pangamba ng kakulangan dahil sa pagbaba ng bilang ng mga PUV na dadalhin sa mga commuter simula Pebrero ng taong ito, sinabi ni Guadiz na ang iba pang mga moda ng transportasyon, kabilang ang mga bus, tricycle, at taxi, ay maaaring tumanggap ng bilang ng mga commuter sa National Capital Region. (NCR).
Una na rito, makikita sa datos ng LTFRB na 395 na ruta ng jeepney at 108 na ruta ng UV Express sa NCR ang walang pinagsama-samang unit.
