Inihayag ng LTO na ang mga aplikante para sa student driver’s license ay maaaring mag-avail ng libreng 15-hour theoretical driving course (TCD) sa Land Transportation Office (LTO) sa Pasay City.
Ang theoretical driving course ay isasagawa sa Pebrero 1 o simula ngayong araw at sa 2 mula alas-8 ng umaga hanggang alas-5 ng hapon.
Ayon sa ahensya ang nasabing course ay available sa limitadong slots lamang.
Ito ay gaganapin sa LTO Pasay City Licensing Center- Driver’s Education Center.
Pinaalalahanan din ng LTO ang mga aplikante na ang mga kumpirmadong appointment ay hindi maililipat sa nasabing petsa.
Kailangan ding ibigay ng mga aplikante ang kanilang aktibong email address, kung saan ipapadala ang kumpirmasyon ng schedule.
Ang natanggap na kumpirmasyon ay magsisilbing patunay ng kanilang booking schedule at magsisilbing pass sa pagpasok sa opisina.
Idinagdag din nito na ang mga aplikante ay dapat dumalo sa parehong araw ng driving session.
