CAUAYAN CITY – Mabenta pa rin ang mga lucky charms ngayong Chinese New Year.
Sa naging panayam ng Bombo Radyo Cauayan kay Angelica Dajosa, Lucky Charms at Chinese Porcelain Vendor sa lunsod ng Santiago, ibinahagi niya na sa kabila ng pandemya ay mayroon pa ring mga bumibili at tumatangkilik ng kanilang produkto.
Dahil year of the Ox ang taong 2021, maganda ang mga bagay na may disensyong Mantra na ang ibig sabihin sa salitang Hinduism ay dasal o orasyon.
Ito ay para makapanghikayat ng swerte sa pera, negosyo, pamilya at kalusugan.
Nakadepende aniya sa kulay ng bracelet ang swerteng hatid ng Mantra at mas maganda ang mga bracelet na may lucky coin at Chinese Zodiac Sign na nagkakahalaga ng limampo hanggang isang daang piso.
Pinakaswerte ngayon ang Complete Charm Bracelet para sa Year of the Ox na punong puno ng mantra, hundred years of God, piao, wealth magnet at protection beed.
Bagay sa mga taong nais maging healthy ngayong taon ang paglalagay sa tahanan ng Hulu, mainam namang panghikayat sa kayamanan ang mga Money Bar at Budha, habang advisable naman sa mga biyahero at malapit sa disgrasya ang pagbitbit sa kanilang mga sasakyan ng eagle eye at Tiger eye na makikita rin sa kanilang tindahan.
Payo nito na wala namang mawawala kung maniniwala sa mga ganitong pamamaraan dahil ang mga ito ay gabay lang naman at dasal at pagsusumikap pa rin ang solusyon patungo sa magandang buhay.
