-- Advertisements --
LEGAZPI CITY – Na-rescue ng mga otoridad ang dalawang motorized banca matapos na lumubog sa karagatang sakop ng Brgy. Poblacion, bayan ng Rapu-Rapu, Albay.
Nabatid na patungo ang team ng pulisya at Philippine Coast Guard sa Brgy. Gaba ng naturang bayan nang ma-monitor ang dalawang motorized banca.
Isa sa mga ito ang nakalubog na ang kalahati sa tubig, malapit sa Rapucay Beach Resort.
Agad namang rumesponde ang mga ito at sa tulong ng service motorized banca, hinatak ang dalawang sasakyang-pandagat.
Wala namang naiulat na nasaktan sa naturang insidente.
Nagpapatuloy pa ng imbestigasyon sa naturang insidente habang inaalam pa ang dahilan ng paglubog nito.
