Inanunsiyo ng Department of Energy (DOE) na inaasahang isailalim sa yellow alert status simula sa Marso ang Luzon Grid.
Ayon kay Energy Undersecretary Rowena Cristina Guevarra, habang ang Luzon Grid ay hindi inaasahang isasailalim sa red alert status ngayong taon ngunit inaasahang isailalim sa yellow alert ng 12 beses.
Magsisimula sa buwan ng Marso hanggang Nobyembre.
Ang red alert ay nagpapahiwatig na walang mga karagdagang serbisyo o generation deficiency, habang ang yellow alert ay nagpapahiwatig na ang grid ay may manipis na mga reserba batay sa supply at demand.
Sinabi ni Guevarra na ang kasalukuyang mga projection ay hindi gagawin kung ang mga kasalukuyang proyekto ng renewable energy, na naantala ng pandemya ng COVID-19, ay natapos sa oras.
Dagdagpa ni Guevarra na ang Visayas area ay inaasahang isasailalim sa yellow alert limang beses sa huling kalahati ng taon, habang wala pang alert status projection para sa Mindanao area sa ngayon.
Samantala, sinabi naman ni Energy Secretary Raphael Lotilla na habang tinutugunan ang mga isyu sa panig ng suplay, ang mga hakbang sa panig ng demand tulad ng energy efficiency ay dapat gawin dahil mas kaunting supply ang kakailanganin.
