-- Advertisements --
KORONADAL CITY – Nagpapatuloy sa ngayon ang imbestigasyon ng PNP patungkol sa nangyaring aksidente sa daan sa may Crossing Palkan, Polomolok, South Cotabato.
Ayon kay PLt. Col. Alex Joe Orcajada, hepe ng Polomolok PNP, habang tinatahak ng mag-ama na nakamotorsiklo ang nasabing daan kung saan bigla na lamang ito inararo ng isang kotse na nagresulta sa pagkasunog ng motorsiklo at pagkamatay naman ng mag ama.
Kinilala ang mga biktima na sila Nestor Masaglang, 48, at anak nito na si Carlo, 24, parehong residente ng Camali-an Jose Abad Santos, Davao Occidental at kinilala naman ang driver na si Jan Paul Bayron at residente ng General Santos city.
Sa ngayon, nasa kustodiya ng PNP ang nasabing driver matapos dinala ang asawa nito sa pagamutan.
