-- Advertisements --
ILOILO CITY – Patuloy pa ring inaalam ng mga otoridad ang pagkakakilanlan ng mga suspek sa pamamaril-patay sa mag-live-in partner sa Malamboy-Bondolan, Alimodian, Iloilo.
Ang mga biktima ay sina Areston Alves, 62, at Georgia Miller, 60.
Sa eksklusibong panayam ng Bombo Radyo kay PMaj. Sullen Domingo, hepe ng Alimodian Municipal Police Station, sinabi nito na nakarinig ng putok ng baril ang mga kapitbahay ng mga biktima.
Nang pinuntahan nila ang bahay ng mga biktima, nakita na lang nila na nakadapa na ang mister sa lupa at may tama ng baril sa ulo at likod habang may sugat naman sa ulo ang misis nito sa loob ng kanilang kuwarto.
Narekober naman sa crime scene ang bala ng .45-caliber pistol.
