CAUAYAN CITY – Maglalaban ang magtiyuhin na Dy sa pagka City Mayor ng Cauayan City.
Ito ay matapos maghain ng kanyang pagkandidato sa pagka-City Mayor si Ginoong Bill Dy, isang negosyantye at residente ng Woodside Subdivision Minante II, Cauayan City.
Sa panayam ng Bombo Radyo Cauayan, inihayag ni Ginoong Bill Dy na labing walong taon siyang palaging pinagbibigyan ang mga kumakandidatong Mayor Sa Cauayan City kayat panahon na umano para kumandidato para pagsilbihan ang mga Cauayenio.
Magiging running mate niya si Danilo Visaya at ang mga naghain ng COC sa pagka-konsehal na sina Pilar Garcia, Zalcedo Forronda , Orly Lelina at Felix Ancheta.
Marami anya siyang plano para sa Cauayan pangunahin na ang paglaban sa pandemya
Nauna nang naghain ng kanyang COC sa posisyong City Mayor ang pamangkin ni Ginoong Bill Dy na si Sangguniang Panlunsod Member Jaycee Dy at kanyang kaline-up ang mga incumbent Vice Mayor at mga City Councilors bilang mga re-electionist.
Si G. Bill Dy ay kapatid ni Dating Governor Benjamin Dy, ang kasalukuyang Vice Governor Bogie Dy at si Dating City Mayor Ceasar Dy na tatay naman ng tumatakbong Mayor na si Jaycee Dy.
No Comment naman si Ginoong Jaycee Dy kaugnay sa paghahain ng COC ng kanyang makakatunggaling tiyuhin
Maging si City Mayor Bernard Dy ay “no Comment” sa pagkandidato ng kanyang tiyuhin.
