ROXAS CITY – Isa ang patay at isa naman ang sugatan sa saksakan at barilan ng magbayaw sa Brgy. Culajao, Roxas City.
Nagtamo ng malubhang sugat sa dibdib ang biktima na si Rolando Cordovero matapos saksakin ng bayaw na si Ruperto Trinidad na nasugatan sa tiyan at tumagos sa likod matapos barilin ng biktima.
Nag-ugat ang krimen matapos inakusahan ng biktima ang suspek na siyang nagnanakaw sa nawawalang kagamitan sa kanilang bahay.
Dahil dito ay sinagot ni Trinidad ang mga paratang ni Cordovero na ikinagalit ng biktima kaya bigla nitong kinuha ang .9mm pistol sabay baril sa suspek.
Sa kabila na nakatakbo ang biktima ay nahabol pa ito ng suspek na nakasunod sa kanya sabay saksak sa dibdib.
Dinala pa sa ospital si Cordovero ngunit dineklarang dead on arrival habang isinailalim sa hospital arrest ang suspek, dahil sa natamong sugat sa tiyan.
