Magkaibigan arestado sa drug buy-bust operation

ROXAS CITY – Arestado ang magkaibigan sa drug buy bust operation sa Barangay Culasi, Roxas City.

Kinilala ang mga drug suspek na sina Jhem Boy Bacud, 18, residente ng Barangay Libas, Roxas City; at John Kevin Barlas, 28-anyos, residente naman ng Barangay Culasi, nitong lungsod.

Narekober sa dalawa ang apat na sachets ng shabu, P500 na marked money at mga drug paraphernalia.

Nakakulong na sa ngayon sa Roxas City PNP jail facility ang magkaibigan.

Nakatakdang sampahan ng kasong paglabag sa RA 9165 o Comprehensive Dangerous Drugs Act of 2002 ang dalawang drug suspek.