GENERAL SANTOS CITY – Patay ang magkapatid na sina Loraine at William Osorio kapwa residente sa Polonuling Tupi South Cotabato matapos ang banggaan ng pick-up truck at motorsiklo.
Patungo sa Poblacion Tupi ang sinasakyan ng dalawang biktima nang mangyari ang naturang vehicular accident.
Pinaniniwalaang mabilis ang takbo ng motorsiklo kayat tumilapon ang magkapatid.
Nasa center lane ang pick-up truck nang naabutan ng mga rumesponde na pulisya.
Base sa impormasyon na dead on the spot si Loraine Osorio habang isinugod pa sa pagamutan ang kapatid nitong si William ngunit doon na umano ito binawian ng buhay.
Ang magkapatid ay kapwa nagtamo ng serious injury sa kanilang ulo dahil walang suot na helmet.
Kustodiya na ngayon sa Tupi Municipal Police station ang driver at pick-up truck.
Ang naturang insidente ay nangyari kaninang tanghali sa National Highway sa harap ng fruitstand sa Kablon Tupi South Cotabato.
