ROXAS CITY – Sa kulungan ang bagsak ng mag live-in partner sa isinagawang drug buy-bust operation sa Block 1, Malipayon Village, Barangay Tiza, Roxas City.
Kinilala ang mga suspek na sina Nestor Dumulong, 32; at Lanie Sonico, 41-anyos, kapwa.
Nakuha mula sa kanila ang limang plastic sachets ng shabu, P1,000 na marked money at mga drug paraphernalia.
Inamin ni Dumulong na gumagamit siya noon ng shabu, ngunit isang taon na raw niya ito tinigil.
Samantala ikinatuwa naman ni Barangay Kagawad Gigi Obera ang pagka-aresto sa maglive-in partner.
Ayon kay Obera, marami na siyang natanggap na reklamo tungkol sa paglabas-pasok ng hindi kilalang mga tao sa kanilang lugar dahil sa pakikipagtransaksyon sa magkasintahan.
Nabatid na nasa listahan ng Barangay Anti-Drug Abuse Council (BADAC) ang mag live-in parter at dalawang linggong isinailalim sa monitoring ng Regional drug Enforcement Units (RDEU) bago isinagawa ang operasyon.
