ROXAS CITY – Isa ang patay habang isa ang sugatan matapos aksidenteng bumangga sa isang punong kahoy ang sinasakyang motorsiklo ng magpinsan sa Barangay Baliuagan, Roxas City.
Sa imbestigasyon ng Roxas City PNP, kinilala ang nasawi kay Leo Mark Bahon residente nang Brgy Talon ng nasabing lungsod habang ang sugatan ay kinilalang si John Astrus, 21 anyos,, residente ng Ivisan , Capiz.
Sakay ang dalawang kalalakihan ng isang motorsiklo nang mawalan ng kontrol ang nagmamaneho at matapos ay bumangga ang mga ito sa isang punong kahoy.
Agad namang isinugod sa isang pampublikong pagamutan ang dalawa ngunit idineklarang patay ng doktor ang backrider na si Bahon habang patuloy naman na ginagamot sa pagamutan ang driver.
Lumalabas naman sa imbestigasyon ng mga awtoridad na ang dalawang biktima ay parehong nakainom ng alak.
